Lady Stags nagpaparamdam
SUBIC, Philippines – Magarang panimula ang ginawa ng nagdedepensang kampeon San Sebastian Lady Stags sa pagsisimula kahapon ng 90th NCAA beach volley sa Boardwalk sa Subic Bay Freeport dito.
Sina Gretchel Soltones at Camille Uy ang nagtambal para sa Lady Stags at kanilang kinalos ang Mapua na kinatawan nina Camille de la Peña at Debbie Dultra, 21-11, 21-9.
Ito ang unang pagkakataon na magkasama sina Soltones at Uy sa sand court at sumandal ang dalawa sa kanilang talento para maitala ang unang panalo.
“Wala kaming training sa sand court kaya medyo nahirapan kami,” wika ng 19-anyos at business management student na si Soltones.
Si Soltones ang siya ring nagdedepensang MVP ng liga at determinado sila ni Uy na mapanatili ang korona sa kanilang paaralan para maibsan ang pagkatalo sa Arellano Lady Chiefs sa indoor volleyball.
- Latest
