Barako pabiling way pilde
CEBU, Philippines – Padayun nga misurpresa ang Barako Bull Energy Cola sa PBA Commissioner’s Cup human sila pabilin nga way pilde human gipukan ang Kia Carnival, 95-86, kagahapon didto sa Smart Araneta Coliseum.
Napugngan sa Barako ang dautang plano sa Kia nga mosakmit og duha ka sunod-sunod nga daog human usab ang nauwahi mihimo og upset nga kadaugan batok sa Philippine Cup champion San Miguel Beermen niadtong Miyerkules.
Sa makausa pa, ang kanhi NBA center nga si Solomon Alabi mipakita og nindot nga labok alang sa Energy human siya mirehistro og 26 puntos, 20 rebounds ug walo ka blocks.
Ang Barako Bull nga misaka karon sa record nga 3-0, misugat og pilde ni Manny Pacquiao kinsa bag-o lang nabalik uban sa iyang koponan nga Kia human sa iyang biyahe didto sa Estados Unidos.
Si JC Intal ug Chico Lanete mitampo og 18 ug 10 puntos matag usa alang sa Energy, samtang ang Kia gipangulohan sa higante nilang import nga si CJ Ramos nga mibundak og 34 puntos. (BANAT NEWS)
- Latest
