Mavs midaug

CEBU, Philippines – Mibahug og 25 puntos si Dirk Nowitzki lakip ang usa ka three-pointer nga maoy naghatud sa duwa ngadto sa overtime aron pangulohan ang Dallas Mavericks ngadto sa 111-101 nga kadaogan batok sa Portland Blazers kagahapon didto sa American Airlines Center sa Dallas, Texas.

Ang Mavericks maoy mi-iskor sa unang nuybe puntos sa overtime nga kabahin sa ilang 2-2 run ug ila sab na-outscored ang Blazers, 15-5 sa singko minutos nga overtime period.

Si Chandler Parsons maoy unang naka-iskor sa Mavs sa overtime pinaagi sa iyang duha ka free throws ug usa ka fadeaway jumpshot ug wala madugay milabaw dayon ang Dallas og 10 puntos.

Mao na kadto'y ikapitong sagunson nga pilde sa Blazers sa ilang road games diin sila unta maoy naglabaw og 11 puntos sa kataposang dos minutos sa duwa.

Ang three-pointer ni Nowitzki sa nahibiling 20 segundos maoy naghatag kanila'g 7-0 run aron buakon ang 96-all deadlock ug mihatud sa duwa ngadto sa overtime.

Si Damian Lillard maoy nangu sa Blazers sa iyang 26 puntos samtang midugang og 25 puntos si LaMarcus Aldridge.

Human mosipyat si Lillard  sa iyang layo kaayong three-point attempt, nakuha ni Devin Harris ang rebound gikan sab sa sipyat sa three-point area ni Monta Ellis ug mi-set up alang sa iyang tirada nga maoy nakatabla sa iskor ug migahub sa kasaba ang arena.

Ang Dallas napilde na'g 12 sa ilang 14 ka duwa batok sa mga Western Conference playoff teams.

Miposa og 20 puntos si Ellis uban sa iyang unom ka assists. Nakatabla na karon ang Dallas sa ikaupat nga pwesto sa West diin aduna sila'y 35-18 nga kartada samtang ang Blazers adunay 34-17 record. (GGM gikan sa NBA.com) (BANAT NEWS)