Raga natagak sa qualifying round
CEBU, Philippines – Duha ka adlaw nga nahiagom og kapildehan si Anton Raga, ang kampyon sa 2015 Sinulog Cup dinhi sa Sugbo niadtong Enero 17 ug wala sila madala sa Top 4 sa 2015 WPA World 10-Ball Championship nga ipahigayon didto sa General Santos City unya sa Pebrero 15-16.
Ang miabante sa Top 4 mao silang Ruben Cuna, Angelo Arriola, Dante Razalan ug Baseth Mapandi.
Silang Raga ug ang upat ka laing billiards player misalmot didto sa Manila kaniadtong Enero 30-31.
Si Lorenzo "Chao" Sy maoy bag-ong manager ni Raga. Wala pa hinoon hisayri kung kwalipikado bang mosalmot si Raga didto sa GenSan billiards tournament.
Si Raga maoy pambato sa Cebu City Sports Commission alang sa mga national ug international billiards tournament diin ang CCSC maoy mogasto sa iyang biyahe. (GGM) (BANAT NEWS)
- Latest
