SBA batok echo karon sa SASA
CEBU, Philippines – Magsangka karong gabii ang SBA batok sa Echo Appliance Center diin pareho silang nagtinguha nga magpabiling buhi sa ilang kampanya nga moabante sa semifinals sa nagpadayon nga Sunrise All Sports Association (SASA) Inter-Company basketball tournament didto sa barangay Apas, Lahug, ning dakbayan.
Laing upat ka teams ang mosuway sa pag-abante sa semifinals dihang magsangka ang Metrobank batok sa Parklane International Hotel sa primerong duwa sa alas otso sa gabii ug mosunod dayon ang duwa tali sa TMI batok sa Galbas sa alas nuybe sa gabii.
Una nang nakakuha'g luna sa Magic 4 ang Mazada Motors ni team manager Sonny Tamayo sa miaging adlaw.
Ang SASA mopahigayon sab og laing torneyo alang sa mga empleyado sa mga kompaniya nga mogawas og alas diyes sa gabii ug ila kining gitawag og Midnight League.
Matod pa sa usa sa tigpasiugda sa SASA tournament nga si Robert Ortega nga adunay miting karong alas onse sa gabii aron masuta kung pila ka teams ang interesadong mosalmot nga adto himoon sa SASA open court.
Ang pipila ka mga contact persons naglakip kanilang Billy Gabiana, Joey Resma ug Rodel Salimbot. Si Ortega makontak sa iyang mobile numbers 09334939657. (BANAT NEWS)
- Latest
