Kia gisugat og pilde
CEBU, Philippines – Gisugat og pilde ang Kia Carnival dihang gisuyakan sila sa GlobalPort Batang Pier, 89-100 sa opener sa PBA Commissioner’s Cup kagabii didto sa Mall of Asia Arena.
Ang Kia miduwa nga wala ang ilang head coach nga si Manny Pacquiao, kinsa atua pa sa Estados Unidos diin usa siya sa mga judge “Miss Universe” beauty pageant.
Ang Batang Pier maoy mikontrolar sa duwa gikan sa pagsugod hangtod sa katapusang kuwarter sa pagpangulo sa ilang import nga si CJ Leslie, kinsa mipabuhagay og 33 puntos ug milangkat og 14 ka rebounds.
Napakita hinuon ni Puerto Rican import Peter John Ramos nga wala masayop ang Kia sa pagkuha kaniya isip import dihang mirehistro siya og game-high 41 puntos, apan dili kini igo tungod kay wala siya kakuha og ensaktong suporta gikan sa mga lokal.
Ang Kia gipatay sa GlobalPort sa fastbreak diin aduna lang sila’y otso puntos gikan niini mas ubos itandi sa 20 puntos gikan sa nauwahi.
Gawas ni Leslie, laing nanginit alang sa GlobalPort mao ang point guard tandem nila ni Terrence Romeo ug Stanley Pringle nga adunay 19 ug 17 puntos matag usa. (BANAT NEWS)
- Latest
