5th Stags Run dinomina nina Nabong, Tarayao

MANILA, Philippines – Pinangunahan nina Nartional junior standout Vincent Jacob Nabong at fitness enthusiast  Coleen Tarayao ang 10-kilometer race ng 5th Stags Run ng San Sebastian College-Recoletos Manila na nagtala ng record attendance kahapon sa Plaza Rajah Sulayman sa Baywalk sa Roxas Boulevard.

Ito ang unang 10-km race victory para sa 16-anyos na si Nabong matapos magtala ng mga Palarong Pambansa records sa 800-m (2.07.12) at 1,500-m (4.28.52) sa elementary divisions sa annual race na naglalayong makalikom ng pondo para sa kanilang charity at missio­nary works dito at sa ibang bansa.

“This is my first time to win,” sabi ni Nabong, bahagi ng koponang kumatawan sa bansa sa ASEAN School Games noong nakaraang buwan.

Sina San Sebastian rector president Fr. Christopher Maspara, OAR, at Vice President at race’s overall chair Joel Alve, OAR, ang nagbigay ng award sa karerang sinalihan ng record na halos 5,000 runners na mas marami kumpara sa nakaraang apat na edisyon.

“We’re happy with the turnout and this will go a long, long way to fund our missionary works here and in other countries,” ani Maspara.

Pumangalawa naman kay Nabong si Blaise San Miguel kasunod si Karl Tadeo, habang sina Pauline Manglo at Jasmine Victory ang sumunod kay Tarayao sa distaff side sa karera na nagsilbing culminating event ng San Sebastian’s 74th Founding Anniversary.