5th Stags Run pakakawalan bukas sa Baywalk
MANILA, Philippines - Ilang dating alumni na pamumunun ni Ronald Pascual ng PBA Philippine Cup champion na San Miguel Beermen ang 5th Stag Run ng San Sebastian College-Recoletos Manila na pakakawalan bukas sa Plaza Rajah Sulayman sa Baywalk, Roxas Boulevard.
Kinumpirma ni Pascual ang kanyang pagtakbo sa annual race na naghahangad na makaipon ng pondo para sa kanilang missionary work dito at sa ibang bansa kasabay ng pagdiriwang nila ng 74th Founding Anniversary.
Suportado rin nina Calvin Abueva ng Alaska Milk at Ian Sangalang ng Purefoods, nakasama si Pascual para sa “Pinatubo Three” ng Stags sa pag-angkin sa korona ng NCAA noong 2009, ang nasabing weeklong celebration.
Ang mga interesado ay maaaring tawagan si Ms. Analissa Tanquiling sa 734-8931 to 39 (loc 174) at si Mr. Joselito Gando sa 998-4625.
Inihayag ng mga organizers na ang mga on-site registrants ay tatanggapin hanggang alas-5 ng umaga sa karerang may mga kategoryang 3k, 5k at 10k.
Tinaguriang “Takbo Para sa Misyon”, ang Stags Run noong 2011 ay nakalikom ng pondo para sa missionary work ng Order of Augustinian Recollects (OAR) sa Sierra Leone, Africa at sa Cascian Island sa Palawan.
- Latest
