17th Aboitiz cup buksan karong domingo

CEBU, Philippines - Ang 17th Aboitiz Football Cup pormal nga buksan diha sa Cebu  City Sports Center (CCSC).Hinuon, ang mga duwa  karon pang Enero 31.

Gawas sa CCSC, lain pang mga binyu sa kompetisyon mao ang Sacred Heart School-Ateneo de Cebu, Don Bosco ug San Roque Parish football fields.

Ang maong tinuig nga torneyo pormal nga gilusad kagahapon didto sa Casino Español de Cebu. Gidungan kini sa pagpinirmahay sa Memorandum of Agreement (MOA) tali sa Aboitiz ug sa Cebu Football Association (CFA) aron lab-ason ang dugay na nilang pag-ambahan sa pagpadagan sa maong kalihukan nga nagsugod niadto pang  1997.

Kapin sa 6,000 ka players gikan sa 320 ka teams ang magsangka sa nagkalain-laing kategoriya nga gilangkuban sa players 6, players 8, players 10, boys 12, girls 12, boys 14, girls 14, boys 17, girls 17, boys 19, boys 23, BPOs, inter-company, ladies open ug men’s open.

“Aboitiz continues to support sports development in Cebu with the hope of instilling the values of teamwork, discipline, and sportsmanship among the youth,” matud pa ni Aboitiz Foundation Executive Vice President and Chief Operating Officer Sonny Carpio. "Since some of the players are athlete scholars, the cup also promotes the value of education through sports," dugang pa niya. (BANAT PALARO)