Cebuana Jin moduwa sa Manila

CEBU, Philippines – Ang two-time world champion ug Cebuana taekwondo jin nga si Mikeala ‘Kokoy’ Calamba mopakita  sa iyang abilidad sa Carlos Palanca Jr. National Taekwondo Championships sa Pebrero 7 didto sa Manila.

Ang sakop sa Philippine team nidaog og bulawang medalya  sa miaging World Poomsae Championship.

Si Calamba, tinun-an sa University of San Carlos ug mikuha sa kursong BSBA Marketing. Laraw niya nga modaog pa og medalya sa taekwondo karong tuiga.

Gawas ni Calamba, laing  Cebu jins nga mosulong didto sa kaulohan mao sila si  world  champion Glenn Lava, Aidaine Laxa, Cheyena  dela  Fuente,  Lyan Llanto, Lee Navales, Nicole Bugarin, Clement Tan ug Moses Bullecer.

Sila si Michael Realista, Nica Garces, Princess Parba, Mayn Coran, Denison Caneda, Luiji Estrada, Windel Rama,  Zozen  Prajes, Roida Ranili ug Shairmain Albaracin mao  ang  mga pambato sa Sugbo sa sparring events. (BANAT NEWS)