San Miguel, RoS nagpalit ng import

MANILA, Philippines – Kailangan nang mag­hanap ng ibang import ang San Miguel.

Ito ay matapos makatanggap ng tawag si Arinze Onuaku mula sa isang NBA team matapos ang im­presibo niyang inilaro sa NBA D-League Showcase Cup.

Ngunit sinabi ng agent ni Onuaku na pag-aaralan muna nila ang alok ng naturang koponan sa NBA bago umatras sa paglalaro sa Beermen para sa dara­ting na PBA Commissio­ner’s Cup na magbubukas sa Enero 27.

Ang 27-anyos na si Onu­ako ay No. 1 sa Syracuse all-time list sa kanyang .648 field shooting at No. 11 sa blocks sa itinalang 148.

Nakapaglaro siya sa NBA para sa New Orleans Pe­licans at Cleveland Ca­valiers bago bumaba sa NBA D-League.

Samantala, kumuha ng ibang import ang Rain or Shine matapos bitawan si Kenny Adeleke.

Hinugot ng Elasto Pain­ters si Rich “Kareem” Jackson, isang undrafted pla­yer sa NBA Draft nang magkaroon ng lockout.

Ang 25-anyos na si Jackson ay naging kakampi ni Onuako sa Syracuse.

Ibabandera naman ng Globalport si Calvin “CJ” Les­lie, produkto ng North Ca­rolina State.