Warriors, Hawks daog
CEBU, Philippines – Hugot nga depensa ngadto kang James Harden maoy gihimo ni Klay Thompson kagahapon dihang gikulata sa Golden State Warriors ang Houston Rockets sa iskor, 131-106 didto sa Toyota Center sa Houston, Texas.
Napugngan ni Thompson si Harden ngadto lang sa 11 puntos ug silang duha ni Stephen Curry parehong mibahug og 27 puntos matag usa alang sa 32-6 nga Warriors.
Nagkanayon si Thompson nga mapasigarbuhon siya sa iyang gihimong depensa ngadto kang Harden ug matod pa niya "I do. I really do. I just want to continue to prove that and get better every game.''
''Klay did a great job. I thought Klay did a good job of avoiding fouls and then contesting late,'' matod pa ni Kerr ngadto kang Thompson kinsa nakahimo sab og career nga lima ka blockshots.
Ang Golden State bag-o lang napilde sa Oklahoma City sa miaging adlaw diin naputol ang ilang eight-game winning streak.
Si Dwight Howard kinsa wala makaduwa sa unang duha ka duwa batok sa Warriors, maoy nangu sa Rockets sa iyang 23 puntos uban ang 10 ka rebounds.
Matapos ang ilang series unya sa Miyerkules didto sa korte sa Warriors sa Oakland, California.
Didto sa Chicago, ang road team Atlanta Hawks mipukan sa host Chicago Bulls, 107-99 aron inaton ang ilang winning streak ngadto sa 12.
Si Kyle Korver kinsa mihimo'g pito ka triples, maoy nangu sa 33-8 nga Hawks sa iyang 24 puntos samtang may 22 puntos si Al Horford.
Silang Jeff Teauge miamot og 17 puntos uban sa 11 ka assits ug si Paul millsap may 16 puntos.
Si Derrick Rose maoy nangu sa 27-15 nga Bulls sa iyang 23 puntos uban sa 10 ka assists ug walo ka rebounds.
Sa laing bahin, midaog ang Charlotte batok sa Indiana sa overtime, 80-71 ug midaog sab ang Detroit batok sa Philadelphia, 107-89.
Sa laing mga duwa, midaog ang Washington batok sa Brooklyn, 99-90, naka-ipsot ang Memphis batok sa Portland, 102-98, na-upset sa Minnesota ang Denver, 113-105 ug midaog ang L.A. Clippers batok sa Sacramento. (GGM gikan sa NBA.com) (BANAT NEWS)
- Latest
