3rd CBBL tourney gitakda sa Enero 25
CEBU, Philippines – Ang gikahinaman nga 3rd Consolacion Barkadahan Basketball League (CBBL) gitakda nang buksan karong Enero 25 sa alas-7 sa gabii diha sa Barangay Pulpogan gym sa Consolacion, Cebu.
Napulo ka teams ang gilaumang musalmot sa maong torneyo nga gipasiugdahan sa VIMBRA pinaagi nilang Eduard Escorial ug Marlon Espante.
Ang teams gibuak ngadto sa duha ka bracket – A ug B.
Ang liga mosubay og single round-robin format diin ang top two sa matag bracket muabante sa crossover semifinals. Ang mudaog maoy mag-abot sa knockout finals, samtang ang mapilde mag-ilog alang sa ikatulong dapit.
Mga koponan nga musalmot naglakip sa Rich Catsup, Katipunan Bank, Geobert Store, GAB Airconditioning, Super Star Danglag, Orlman, San Narciso, Mt. Olives ug Palawan Pawnshop (ERM).
Ang mga duwa himuon matag adlaw’ng Sabado sa alas-8:30 sa gabii ug sa Domingo sa alas-7:30 sa gabii. (BANAT NEWS)
- Latest
