Perpetual teams ‘must win’ sa NCAA volleyball

Laro Ngayon

(The Arena,

San Juan City)

8 a.m. – EAC vs SSC (j)

10:00 a.m. – Lyceum

vs Perpetual (j)

12 nn – St. Benilde

vs San Sebastian (w)

2 p.m. – Perpetual

vs Arellano (w)

4 p.m. – Perpetual

vs Arellano (m)

6 p.m. – St. Benilde

vs EAC (m)

MANILA, Philippines - Nahaharap sa ‘must-win situation’ ang mga nagdedepensang Perpetual Help sa 90th NCAA volleyball sa The Arena sa San Juan City.

Ang Lady Altas ay ma­papalaban sa Arellano Lady Chiefs ngayong alas-2 ng hapon, habang ang Al­tas ay masusukat kontra sa Chiefs sa alas-4 at kaila­ngang maipanalo ang mga laro para manatiling bu­hay ang paghahabol sa matagumpay na pagta­tanggol sa titulo.

Naging bangungot para sa dalawang defending champions ang hinarap na laro laban sa mga koponan ng St. Benilde sa pag­bubu­kas ng single round robin se­mifinals noong Miyer­ku­les.

Nalagay sa peligro ang planong ikatlong sunod na kampeonato sa kababaihan nang lasapin ng Lady Altas ang 24-26, 22-25,18-25 pagkatalo sa Lady Bla­zers, habang ang four-time defending champion sa kalalakihan na Altas ay pi­na­dapa ng Blazers, 12-25, 27-29, 25-19, 20-25.

Magsisilbing knockout game ang tagisan ng Altas at Chiefs dahil natalo ang huli sa Emilio Aguinaldo College Generals, 26-24, 19-25, 21-25, 17-25, sa unang araw ng Last Four.

Aasa ang Altas kina Bonjomar Castel at Rey Ta­neo na nagsanib sa 29 hits sa unang laro.

Ngunit dapat ding ma­kitaan ang koponan ng ma­tibay na depensa para ma­natiling palaban sa tiket sa finals.

Sa kabilang banda, da­pat na umangat  muli ang laro nina team captain Jamela Suyat at Ma. Lour­des Clemente para manaig sa Lady Chiefs na tinalo ang San Sebastian Lady Stags sa straight sets.

Sina Suyat at Clemen­te ay nagtala lamang ng si­yam at walong hits, ayon sa pagkakasunod, laban sa Lady Blazers.

Sakaling manalo ang Lady Chiefs at Lady Bla­zers ay sila na ang maglala­ban para sa kampeonato sa women’s division ng NCAA. (ATan)