Nuggets naka-upset

CEBU, Philippines – Nag-igo sa iyang nmga tirada si Ty Lawson ug nagpunay og pangtapal ang rookie nga si Jusuf Nurkic nga mihatag kanila'g maayong resulta alang sa Denver Nuggets dihang ilang gipakauwawan ang Memphis Grizzlies sa iskor, 114-85 didto sa Pepsi Center sa Denver,  Colorado.

Mibahug og 25 puntos si Lawson samtang mihimo'g career-best nga lima ka blocks si Nurkic.

''I'm not going to lie, I'm loving (the afternoon shoot-around). I don't understand getting up at 7:45 a.m. to do shoot-around when you're not going to remember it, and you're still tired. ... I'm liking this,'' matod pa ni Lawson.

Mipahigayon og haponon nga shoot-around si Nuggets coach Brian Shaw imbes unta nga buntag kini nilang naandan nga buhaton ug nalipay si Shaw sa resulta dihang ilang gilubong  ang Grizzlies  nga maoy labing dako nilang losing margin karon nga season.

''The guys are feeling pretty good about themselves. It's something we have to build on, "matud pa  ni Shaw.

Midugang og 23 puntos si Arron Afflalo ug may 13 puntos ug 13 ka rebounds si Kenneth Faried aron pabiling magmadaugon sa ilang homecourt batok sa Memphis diin aduna na sila karo'y 32-5 all-time.

Mihimo'g 10 of 14 shots gikan sa field si Lawson ug ang iyang New Year's resolution maoy iyang buhaton ang kanunay pag-itsa sa makadaghan.

''Just being more aggressive. Taking the open shots because normally I pass them up, " matod pa ni Lawson kinsa mihimo'g 11 ka assists.

Si Marc Gasol mi-iskor og 18 puntos alang sa Grizzlies kinsa daw nahutdan og kusog human sila makaipsot batok sa Los Angeles Lakers, 109-106 niadtong Biyernes didto sa Los Angeles.

Na-outscore sa Denver ang Memphis 34-22 didto sa third period diin didto nila sugdi og lubong ang nauwahi. (GGM) (BANAT NEWS)