100 kapin ka teams mosalmot sa Sinulog bootfest
CEBU, Philippines – Kapin sa 100 ka teams ang nipadayag sa ilang partisipasyon sa fifth edition sa Sinulog Football Festival nga gikatakda sa Enero 10-11 didto sa San Roque Parish football field sa Brgy. Subangdaku, dakbayan sa Mandaue. Bisan pa niini, ang mga koponan nga nagpalista nagkinahanglan pa og abiso sa organizing Cebu Football Association (CFA) kay ilang gilimitahan ang numero sa mga entrante sa matag dibisyon.
“We had to limit the number of entries this year since we can only use one field right now,” matud pa ni Dino Musni sa CFA.
Ang ikalimang edisyon sa Sinulog Cup adunay tulo ka kategoriya nga naglakip sa mixed players sa under 7, 9 ug 11 years class.
Sa boys sa laing bahin, adunay under-13, 15, 18, 38-above, inter-BPO, inter-company ug men’s open. Aduna say under-15 ug ladies open.
Ang 7-a-side format maoy tamdan sa maong torneyo. (BANAT NEWS)
- Latest
