Samayo daog sa LPYO
CEBU, Philippines – Mipauwan og 24 puntos si Aldrien Carsedo aron pangulohan ang Samayo nga midaog batok sa LPYO sa iskor nga 80-70 sa midget division sa Inter-Color Lorega Echavez Youth Council Sinulog Cup 2015 basketball tournament didto sa Barangay Lorega gym, ning siyudad.
Mipatuasik dayon sa ilang naglagiting nga opensa ang Samayo diin miposte sila 12 puntos nga labaw sa iskor nga 35-23 paghuman sa unang 10 minutos sa duwa.
Sa abag nilang Rexter Cañete ug Rio Pulgo, nakontrolar sa Samayo ang ilang double-digits nga labaw paingon sa final period, 65-62 ug gikan didto wala na nila hatagi og kahigayonan ang LPYO nga makaapas pa.
Sa lain pang mga duwa, ang Lorega Echavez Youth Council (LEYC) mipisat sa Caimito Community Organization (CCO) sa iskor nga 72-55, samtang ang Lower Lomar mipukan sa Sadpyo sa iskor nga 60-55.
Puntos matag usa
Unang duwa:
Samayo (80) – Carsedo 24, Cañete 17, Pulgo 8, Opura 7, Magdasal 6, Tapales 6, Samson 6, Maglinte 4, Allera 2
LPYO (70) – Dutallas 24, Jimenez 13, Cuizon 12, Luchavez 10, Ruelan 5, Jimenez 4, Berdon 2.
Ikaduhang duwa:
LEYC (72) – Mella 16, Devibar 15, Mella 15, Olmilla 10, Toquero 6, Sarol 4, Guanson 4, De Asis 2.
CCO (55) – Luchavez 27, Olmilla 19, Minoza 6, Magdasal 3.
Ikatulong duwa:
Lower Lomar (60) – Baromal 14, Gimeno 11, Shaolin 10, Mangyao 9, Lambo 8, Ingente 4, Gimeno 4. Sadpyo (55) – Nimenso 18, Bacarisas 15, Castano 14, Batuhan 6, Canama 2. (BANAT NEWS)
- Latest
