SSRYO milubong sa LPYO

CEBU, Philippines – Dominanteng kadaugan ang gihimo sa Snr. San Roque Youth Organization dihang ilang gipaluhod ang Lorega Proper Youth Organization, 70-50, sa mini division sa Inter-Color Lorega Echavez Youth Council Sinulog Cup 2015 basketball tournament didto sa Barangay Lorega gym, ning siyudad.

Mipabuto og tournament-high 42 puntos si Carl Codilla aron pangulohan ang SSRYO nga mibanat sa final period aron mapukan ang LPYO.

Gikan sa singko puntos nga labaw sa third period, 41-36, kalit nanginit si Codilla kinsa maoy nangulo sa 19-8 rally sa SSRYO sa katapusang kuwarter.

Si Polpol Ingente ug Christian Mangayo miiskor og 23 ug 20 puntos matag usa alang sa pilderong LPYO.

Sa ubang duwa sa mini division, ang Samayo midaog batok Gawad Kalinga Phantom, 42-36, samtang ang SADPYO milatos sa Caimeto Community Organization, 41-33. — LPM (BANAT NEWS)