CINAG mihimo’g kompetisyon

CEBU, Philippines – Ang City of Naga Pistol and Rifle Association Inc. (CINAG) mihimo sa ilang  shootfest didto  sa ilang firing range sa West Poblacion, City  of Naga ning bag-o lang.

Ang CINAG maoy pundok nga gisakpan sa bana ug asawa, kansang tumong ug katuyoan niini mao ang pagbansay sa mga magtiayon sa paghanas sa paggamit sa armas nga mobuto.

Si kanhi National Bureau of Investigation (NBI) director Artemio Panganiban, kinsa mao ang presidente sa CINAG maoy nangunay sa pagtudlo sa mga sakop niini.

Si Panganiban atua na manimuyo sa Naga diin nagtukod sa unang tunghaan sa Criminology, ang Professional Academy of the Philippines (PAP) didto sa maong dakbayan.

Lain pang mga opisyales sa CINAG mao sila si German ‘Joy’ Desuyo (vice president), Marilyn Ubay (secretary), Wendell Martin Cabrera (treasurer), Willy Ponoyan (business manager), Jose Erwin Lorenzo  ug Semy Gonzada (PROs) ug Noel Mercado ug Arnold Basalo (sgt. at arms).  Samtang sila si Ariel Rivera, Boy Cabellon ug Elvin Perez (range officers). (BANAT NEWS)