RP-SBP team pa-Geneva para sa 2019 hosting bid
MANILA, Philippines - Magtutungo ang isang six-man Philippine delegation, pinamumunuan nina Tourism Undersecretary at Chief Operating Officer Domingo Ramon Enerio III, PBA chairman at Samahang Basketbol ng Pilipinas founding executive director Patrick Gregorio at SBP executive director Sonny Barrios, sa Geneva sa Linggo.
Ito ay para dumalo sa 2019 FIBA Basketball World Cup Bid Workshop, isang hakbang para sa hangarin ng bansang makuha ang hosting rights ng global tournament na huling idinaos sa Spain.
Kasama ng exploratory group sina SBP deputy executive director for international affairs Butch Antonio, SBP logistics consultant Andrew Teh, at Sean Nicholls, president ng Octagon Asia-Pacific, isang bantog na sports marketing and advertising firm na nakabase sa Sydney.
“We are very serious about the bid process and we will be there to win it,” sabi ni SBP vice chairman Ricky Vargas.
Nauna nang nakipagkita ang mga SBP officials kay DOT Secretary Ramon Jimenez na sumuporta sa naturang proyekto na siyang maaaring magbigay ng benepisyo sa Philippine tourism.
- Latest
