PBA Playoffs sugdan karon

CEBU, Philippines – Sugdan na ang playoffs alang sa nahibiling duha ka luna sa semifinals  sa  PBA Philippine Cup karong adlawa didto sa Cuneta Astrodome.

Ang third-seed nga Alaska Aces, kinsa adunay “twice-to-beat” advantage moharong sa No. 10 nga NLEX Road Warriors sa alas-4 sa hapon, samtang ang No. 6 nga Meralco Bolts makigbatok  sa No. 7 Purefoods Star Hotshots  alas-7 sa gabii.

Ang duha ka koponan nga makalusot sa quarterfinals mouban sa San Miguel Beermen ug Rain or Shine Elasto Painters nga una nang miabante sa semifinals human makuha ang top two seed sa standing.

Inilog ang Aces nga modaog karon tungod  sa kalawom sa ilang bench nga naglakip nila ni RJ Jazul, Sam Eman, Vic Manuel ug Eric Menk.

Anaa gihapon ang mga sinaligan sa Aces nga sila si Calvin Abueva, JV Casio, Cyrus Baguio ug Dondon Hontiveros.

Atbangan sila sa veteran tandem sa NLEX nga sila si Asi Taulava ug Mac Cardona.  Apan mangayo sila’g suporta gikan sa ilang kaubanan sama nilang  KG Canaleta,  Rico  Villanueva, Jonas Villanueva ug sa Sugbuanong si Aldrich Ramos. (BANAT NEWS)