Dalaguete mo-host Tri Series final leg

CEBU, Philippines – Dad-on pagbalik didto sa Dalaguete ang Tri Team Championships alang sa ilang katapusang leg nga gikatakda sa Pebrero 7 sunod tuig.

Kahinumduman, ang Dalaguete  mi-host sa first leg sa sayong bahin ning tuiga.

Ang tulo ka bahin nga TTCS matapos unta ning tuiga, apan tungod sa nagbangga nga mga iskedyol sa laing triathlon events, ang organizers nga gipangulohan ni Sugbuatriathlon coach Benjoe Gimenez mihukom nga ipahigayon ang final leg sa sunod tuig.

Ang registration fee alang sa third leg nagpadayon na. Ang entry fee alang sa early bird hangtod sa Disyembre 15 sa standard distance nagkantidad  og P2,000, P1,800 alang sa individual sprint, P1,500  matag tawo sa relay ug kiddie tri.  Ang entry fee  naglakip na sa bike jersey gikan sa Threofme, fellowship lunch, bib number, helmet, bike number of swim cap.

Mahimong magparehistro sa The Brick sa JP Morgan Building sa Cebu IT Park  ug SATS Office sa may Gaisano GrandMall.

Mahimo sab magparehistro online pinaagi sa www.sugbutriathlon.com. (BANAT NEWS)