LYPO mimakmak sa SADPYO sa LEYC Sinulog Cup 2015

CEBU, Philippines - Milampos ang  Lorega Proper Youth Organization (LPYO)  cagers pagpukan sa San Antonio De Padua Youth Organization (SADPYO), 40-31 sa mini division sa Inter-Color Lorega Echavez Youth Council (LEYC) Sinulog Cup 2015 basketball tournament didto sa Barangay Lorega gym, ning siyudad.

Naglabaw pa og uno punto ang SADPYO, 16-15 sa first period dihang miratsada sila si  Reynaldo Llacuna ug Azinnet Cabrera, apan wala nila mapanalipdi ang labaw ug nailog kini sa LPYO.

Si Carl Tonilon mipabuto’g 17 puntos diin walo niini gikan sa final period aron pangulohan ang LPYO.

Sa laing mga duwa, ang Lorega Echavez Youth Council (LEYC) midaog sa Birhen sa Barangay Youth Organization, 33-28, samtang ang Samayo milubong buhi sa Gawad Kalinga Phanton, 72-38. (BANAT NEWS)