Kia sinibak ng Meralco

Laro Bukas

(Smart Araneta Coliseum)

4:15 p.m. RoS vs Alaska

7 p.m. SMbeer vs TNT

MANILA, Philippines - Naisuko ng Bolts ang itinayong 22-point lead sa kaagahan ng third period, ngunit nakabalik sa porma sa huling limang minuto ng final canto para patalsikin ang Sorento.

Nagsalpak si Mark Macapagal ng dalawang mahalagang three-point shot sa dulo ng fourth quarter, habang tumapos si Jared Dillinger na may 25 points at 7 rebounds para sa 99-93 pananaig ng Meralco sa Kia sa 2014-2015 PBA Philippine Cup kagabi sa Smart Araneta Coliseum.

Binuhay ng Bolts ang kanilang tsansa para sa ‘twice-to-beat’ incentive sa quarterfinals, samantalang tuluyan nang namaalam ang Sorento ni playing coach Manny Pacquiao sa nalasap nilang pang-siyam na sunod na kamalasan.

Solo ng San Miguel ang liderato sa kanilang 8-1 rekord kasunod ang Alaska (8-2), Rain or Shine (7-2), Talk ‘N Text (6-3), Ginebra (6-4), nagdedepensang Purefoods (5-4), Globalport (5-5), Meralco (5-5), Barako Bull (4-6), NLEX (3-7), Kia (1-9) at sibak nang Blackwater (0-10).

Matapos iposte ng Bolts ang 22-point lead, 63-41, sa pagsilip ng third period ay kumamada naman ang Sorento ng 22-8 atake para agawin ang unahan, 72-71, sa huling 20.9 segundo.

“When they took lead in fourth there’s a possibility we might lose the game,” ani Meralco head coach Norman Black sa Kia.

Tumipa si Macapagal ng dalawang tres at na­ki­pagtulungan kay Cliff Hodge sa final canto para muling ibigay sa Bolts ang 92-83 abante sa huling 4:20 minuto ng laro.

Huling nakadikit ang Sorento sa 93-96 sa natitirang 48 segundo at hindi na nakaiskor muli hanggang sa pagtunog ng final buz­zer.

Meralco 99 -- Dillinger 25, Hodge 17, Anthony 14, Wilson 11, David 10, Macapagal 8, Morrison 4, Cortez 3, Ferriols 3, Ildefonso 2, Sena 2, Buenafe 0, Guevarra 0.

Kia 93 -- Cervantes 18, Poligrates 11, Revilla 10, Ba­gatsing 10, Thiele 9, Alvarez 8, Pascual 8, Dehesa 7, Custodio 6, Webb 4, Burtscher 3,.

Quarterscores: 34-19; 60-39; 73-72; 99-93.