HLY vs. Perez trucking sa GDBL Finals

CEBU, Philippines – Parehong midaug ang topseeds HLY ug ang Perez Trucking kagahapon aron maoy magbagat sa finals sa Golden Dribblers Basketball League (GDBL) didto sa Pardo gym ning dakbayan.

Gipalagpot sa no. 1 seed HLY team ni Atty. Flor Yosores ang no. 4 seed Aulga Dormitory sa iskor, 74-65 aron masakmit ang unang luna sa finals samtang sa laing duwa, gilubong sa Perez Trucking ang Power 40 sa iskor, 113-82 aron maangkon ang katungod nga makigsangka batok sa HLY sa knockout finals karong Disyembre 7.

Ang Aulga Dorm ug Power 40 maoy mag-ilog alang sa ikatulong pwesto.

Si Andot Fuentes maoy nangu sa HLY sa iyang 13 puntos samtang si Dodong Monternel maoy nangu sa Aulga Dorm sa iyang 23 puntos.

Grabe ang pagmangtas sa no. 2 seed Perez Trucking diin ilang gipakita nga sila maoy angayan moabante sa finals dihang miburak og 34 puntos si Eric Espinosa samtang may 26 ug 23 puntos matag usa silang Opong Zafra ug Tony Belande. Gitiwasan pa gyud kini sa 15 puntos ni Dido Ocanada.

Bugtong si Wewe Cabrera lang ang player sa Power 40 sa iyang 17 puntos.

Puntos matag usa:

HLY (74) — Fuentes 13, Cabanero 11, Espinosa 10, Gacayan 9, Arias 7, Ceballos 6, Mosqueda 4, Ledesma 4, Yosores 3, Lastimosa 3, Abapo 2.

Aulga (65) —Monternel 23, Cabanilla 12, Lawas 10, Cainglet 6, Fernando 6, Abellana 2, Aulga 2, Posadas 2, Rama 2.

Second Game:

Perez Trucking (113) —  Espinosa 34, Zafra 26, Belande 23, Ocanada 15, Ebrado 7, Almojallas 4, Campos 2, Dejacto 2.

Power 40 (82)—         Cabrera 17, Ozon 9, Abasolo 9, Cabatas 8, Dayota 8, Vernaiz 8, Mabalcon 6, Dumale 4, Atillo 3, Lim 2, Labalan 2. (GGM) (BANAT NEWS)