Blackwater lubog na
CEBU, Philippines - Miabot na sa 10 ang pilde sa expansion team, Blackwater Elite sa nagpadayong 2014 PBA Philippine Cup.
Ang Blackwater gilubong sa higanteng Talk ‘N Text Tropang Texters, 80-90 sa usa ka out-of-town game sa PBA Philippine Cup kagabii didto sa Alonte Sports Arena sa Laguna.
Ang Texters nga segurado nang mosulod sa quarterfinals human makuha ang 6-3 record, gipangulohan ni Jayson Castro nga adunay 21 puntos, samtang si Rob Reyes mitampo og 10 puntos.
Nakita dayon ang gilay-on sa abilidad sa duha ka koponan sa second period diin milabaw ang Texters og katunga, 30-15 sa pagpangulo nila ni Castro, Jimmy Alapag ug Danny Seigle.
Miburot pa kini ngadto sa 22 puntos sa katapusang singko minutos sa third period diin sila milabaw 62- 40 batok sa Blackwater nga nalubong na ang paglaum nga makasulod pa sa playoffs. (BANAT NEWS)
- Latest
