Cebuana Lhuillier vs. Abrenica sa finals

CEBU, Philippines – Natinuod gyud ang pangagpas nga  ang Cebuana Lhuillier ug ang Abrenica Engineering maoy magbagat sa “knockout” finals sa 2014 Mayor Nice Apura Cup basketball tournament didto sa Carcar City Sports Complex sa habagatang bahin sa probinsiya sa Sugbo.

Ang Cebuana Lhuillier midaog batok sa ASPA kagabii alang sa ilang 2-1 nga baraha ug ilang sangkaon ang walay pilde nga Abrenica, kinsa  nagbitbit og  3-0 nga baraha.

Silang Jercules Tangkay ug Ferdinand Lusdoc maoy nangu sa Cebuana sa ilang 33 ug 32 puntos matag usa.

Si Ronan Isidro mikulit og 32 puntos alang sa ASPA, samtang si Fabrice Siewe mitampo’g 25 puntos.

Human sa  Cebuana- Abrenica titular showdown ugma,  ipahigayon ang exhibition game tali sa  Ex-PBA Stars batok sa University of the Visayas (UV) Green Lancers.

Matud ni tournament director Julie Flores nga ang Broken Arrow ug Double R maoy mag-ilog sa korona alang sa local commercial division. (BANAT NEWS)