Sunday.Com Basketball Club caging sugdan karong Domingo
CEBU, Philippines – Andam na ang tanan alang sa pagpahigayon sa labing unang torneyo sa Sunday.Com Basketball Club nga gikatakdang sugdan karong Domingo diha sa Mandaue City Cultural and Sports Complex.
Unom ka teams ang kompirmadong magtigi alang sa korona. Ang mga koponan nga mopakita’g aksiyon mao ang Astroboy, Mustang, Alit’z, Minions, Bulldog ug ang Dota.
Moduwa sila og single round robin format sa elimination round diin ang top two teams maoy mag-abot sa finals.
Ang organizers nga gipangulohan ni Sunday.Com Basketball Club president Camelo ‘Tata’ Nadera mipahibalo nga ang bag-ong natukod nga grupo mopasiugda sab og “friendly match” tali sa Sunday.Com Selection ug sa mga piniling magduduwa sa Visayan Electric Company (VECO).
Ang VECO pinaagi sa ilang community relations manager Eric Ching, usa sa mga major sponsors sa maong torneyo uban sa IPI.
Ang liga suportado sab nila ni Mandaue City Vice Mayor Glenn Bercede, Hon. Elston Dabon, Hon. Butchok Bering, A.D. Gothong Manufacturing Corp., Cres Sayson, Editha Cortes, Juliet Balbona, Warly Capacite ug Malou Claros.
Gawas ni Nadera, ang laing opisyales sa Sunday.Com Basketball Club mao sila si Edward Pepito (vice president) ug Lorena Nadera (secretary). Si Atty. Gonzalo ‘Sally’ Malig-on maoy club adviser.
Ang board of directors naglakip nilang Rene ‘Dodoy’ Grafe, Franklin Antigua, Rico Cabello, Cres Sayson, Ray Niez, Diosdado Apa Jr., Neil del Castillo, Noel Antigua, Jojo Carba, Junnie Ouano ug Cyril Gulbin. (BANAT NEWS)
- Latest
