20K ilakip sa 2nd Philhealth Run
CEBU, Philippines - Ilakip ang 20K category sa ikaduhang edisyon sa PhilHealth Run nga gikatakda sa Pebrero 15 sunod tuig nga magsugod ug matapos sa Cebu Business Park.
Ang organizers nakahukom nga mopadagan og 20K class isip simbolo sa ika-20 anibersaryo sa PhilHealth.
Gawas sa Cebu, ang ubang regional branches sa PhilHealth mopahigayon usab og kaugalingon nilang lumba.
Niadtong dili makasustiner sa 20K, mahimo usab nga modagan sa 10K, 5K ug 3K fun run.
Ang PhilHealth Run usa ka fund-raising event sa Rotary Club of Cebu sa ilang Gift of Life Program nga motabang sa mga kabus nga bata nga adunay gihambin nga sakit sa kasingkasing.
Mga ganting salapi ang madawat sa mga mananaog sa matag kategoriya.
Ang registration fee nagkantidad og P650 sa 20K, P450 sa 10K ug P350 sa 5K ug 3K classes, libre na niini ang singlet ug post race refreshments.
Mahimong magparehistro sa PhilHealth regional office nga nahimutang diha sa Escario corner Gorordo Avenue, ning siyudad.
- Latest
