Cebuana gymnasts misidlak sa Batang Pinoy Nat’l Finals
CEBU, Philippines – Tulo ka managlahing medalya ang nadaog sa Sugbuanang gymnast nga si Daniela Reggie dela Pisa paghuman sa iyang kampanya sa 2014 Philippine Youth Games-Batang Pinoy National Finals didto sa Manila.
Si Dela Pisa mikabkab og bulawan sa rope, silver sa hoops ug duha ka bronze medals sa clubs ug free hand.
Nidaog sab siya og laing silver pinaagi sa overall individual standings sa girls 10-12 age group.
Si Dela Pisa, sakop sa pre-juniors national team, mao sab ang nangu sa Team Cebu City pagsilsil og bronze medal sa team competition uban nilang Jazeerah ug Kristianne Ona sa Labangon Elementary School (LES).
Sa laing bahin, si Theresia Rhosse Reroma Regner mikubkob og upat ka bulawang medalya sa developmental level.
Ang garbo sa Liloan, Cebu nga nirepresentar sa Cebu Province, misakmit og bulawan sa free hand, ball, rope ug individual overall. (BANAT NEWS)
- Latest
