Cebuano jin naka-double gold sa World C’ships

CEBU, Philippines – Sugbuanong taekwondo playing coach nga si Glenn Lava mihatag og  dungog sa nasud human modaog og duha ka bulawang medalya alang sa Phl Team atol sa 9th World Taekwondo Poomsae Championship didto sa Aguascalientes, Mexico.

Si Lava midominar sa men’s team competition sa 30-years old poomsae artistic uban nila ni Ernesto Guzman ug Jean Pierre Sabido. Sila ang koponan nga misakiyo sa gold medal sa miaging tuig didto sa Indonesia.

Gipilde sa Team Philippines sila si Chau Truong, Anh Nguyen ug Justine Wang sa United States sa finals.

Nakuha ni Lava ang ikaduhang bulawang medalya atol sa mixed team event, ning higayona uban nila ni Jeordan Dominguez, Janice Lagman, Rani Ortega ug Jaylord Seridon. (BANAT NEWS)