Portmen wa gihapon mabangbang

CEBU, Philippines – Samtang nagkaduol nang matapos ang elimination round, wala pa gihayo'y team nga nakahimo'g solusyon kung unsaon pagpukan ang Customs Portmen kinsa nakabiktima na sab ug ang uwahing nabihag mao ang MP Brokers, 88-80 aron masumpo ang four-game streak sa nauwahi sa nagpadayon nga 3rd season sa BOC-CIPU Friendship Cup basketball tournament didto sa barangay Tinago gym, ning dakbayan.

Kaniadtong Martes sa gabii, gipahugtan sa Portmen ang ilang liderato sa ilang 8-0 nga baraha samtang naghupot na karon og 4-3 nga baraha.

Sa laing duwa niadtong Martes, midaog pinaagi sa forfeiture ang Ynah Brokers batok sa Global Carrier aron magsolo sa ikaduhang pwesto sa ilang 6-1 nga baraha.

Niadtong Lunes sa gabii, midaog sa ikaduhang higayon sulod sa walo ka duwa ang Avenido Brokers human ilang gibuntog ang Customs Taskforce, 100-86 samtang gilumsan sa MCWD ang CEI nga gipangulohan sa ilang team owner nga si Wiljohn "Sugar" Camay kinsa mibahog og double figures sa labing unang higayon sa iyang 10 puntos.

Tungod sa maong kadaogan, miabante na ang MCWD ngadto sa ika-upat nga pwesto uban sa Rollway-Petracorta sa parehong 5-2 nga baraha. (BANAT NEWS)