Pacquiao may rematch kay Algieri
LOS ANGELES – Tiniyak ni Bob Arum ang kapakanan ni Manny Pacquiao anuman ang mangyari sa Macau.
Sinabi ng Top Rank big boss na tiniyak niyang may rematch clause sa fight contract ni Pacquiao para sa kanyang pagsagupa kay undefeated Chris Algieri sa Nov. 23 sa The Venetian Hotel.
“Manny’s fight is also a dangerous fight. Algieri is a determined guy. He’s very, very smart,” sabi ni Arum, nasa Carson, California para sa nakaraang laban nina Nonito Donaire Jr. at Nicholas Walters.
“He’s a terrific boxer,” dagdag ni Arum kay Algieri.
Bago ang Donaire fight sa StubHub Center noong Linggo kung saan nanalo si Walters, sinabi ng legendary promoter na magagamit lamang ang rematch clause para kay Pacquiao kung mananalo si Algieri.
“Yes, there is,” wika ni Arum. “I put a rematch clause that if Algieri wins I could force a rematch.”
“That’s if Manny is willing to do it,” dagdag pa nito.
Idinagdag pa ni Arum na walang garantiya kung mananalo si Pacquiao anuman ang sabihin ng mga oddsmakers na naglagay sa tubong Huntington bilang underdog.
Sinabi ni Arum na hindi isang pipitsuging boksingero si Algieri.
“He doesn’t get discouraged as he proved in the (Ruslan) Provodnikov fight,” ani Arum, umalis sa Los Angeles noong Lunes ng gabi para bisitahin si Pacquiao sa Pilipinas at sa Biyernes ay magdaraos siya ng media day sa General Santos City.
Ginulat ni Algieri si Provodnikov noong Hunyo para makatapat si Pacquiao.
Base sa original plan, isang grupo ng Chinese mediamen ang magtutungo sa Manila para makaharap si Pacquiao isang buwan bago lumaban ang Filipino boxing icon. Ngunit hindi makakarating ang mga Chinese.
- Latest
