Bryant, Boozer humataw sa tagumpay ng Lakers
LOS ANGELES -- Nagposte si Kobe Bryant ng 26 points at nagdagdag ng 19 si Carlos Boozer para banderahan ang 98-91 panalo ng Los Angeles Lakers laban sa Utah Jazz sa kanilang preseason game.
Humakot din si Boozer ng 9 rebounds at ang anim sa 17 steals ng Lakers.
Ang 29 turnovers ng Utah ay ginawang 34 points ng Los Angeles.
Umiskor naman si Alec Burks ng 21 markers para sa Jazz, may isang field goal lamang matapos ang jumper ni Burks sa 5:16 minuto ng laro.
Anim na beses nag-agawan sa kalamangan ang Lakers at ang Jazz sa fourth quarter bago naisalpak ni Ed Davis ang kanyang hook shot na nagbigay sa Los Angeles ng 86-85 abante sa huling 4:50 minuto.
Nagdagdag si Wayne Ellington ng dalawang free throws at isang 3-pointer na nag-angat sa Lakers sa 91-85 sa 2:50 minuto at nagsalpak si Bryant ng limang free throws sa huling 1:24 minuto para selyuhan ang kanilang panalo.
Sa Oklahoma City, tumipa si Mo Williams ng 19 points para ihatid ang Minnesota Timberwolves sa 112-94 exhibition victory kontra sa Thunder.
Nag-ambag sina Kevin Martin, Ricky Rubio at Robbie Hummel ng tig-13 points para sa Minnesota (2-2).
Naglista si Perry Jones ng 21 points sa panig ng Oklahoma City (2-4), habang may 11 si Russell Westbrook at humakot si Serge Ibaka ng 12 points at 6 rebounds.
- Latest
