Donayre pilde na sab sa One FC

CEBU, Philippines - Ang Sugbuanong mixed martial arts fighter nga si Vaugh ‘The Spawn’ Donayre nahiagom og laing sakit nga kapildihan sa ONE

Fighting Championship dihang na-TKO siya sa first round batok ni Malaysian MMA star Peter  Davis sa miaging gabii didto sa Putra

Indoor Stadium sa Kuala Lumpur, Malaysia.

Nagbinayloay dayon sa ilang sukmag-patid ang duha  pagsugod sa away, apan nakapabor si Davis dihang naabot ang away sa ground.

Nadakpan ni Davis si Donayre ug “guillotine choke”, apan ang Sugbuanon nakalingkawas. Hinuon, nabutang siya sa lisud nga posisyon dihang nayak-an ug gilumsan sa kinumo ni Davis nga nakapaaghat ni referee Olivier Coste paghunong sa away sa oras nga 4:50 sa opening round.

Kini ang ikaduhang pilde ni Donayre human sab siya gibalian ni Mohammed Walid niadtong Agosto 29 didto sa Dubai.

Ang 35-anyos nga Cebuano nakahiagum sa ikatulo niyang pilde sud sa 10 ka away, samtang si Davis nagbitbit og  9-3 win-loss record. (BANAT NEWS)