Alin brokers mikatkat sa ikaduha

CEBU, Philippines - Walay puangod nga gilubong sa Alin Brokers  ang kontrang Customs Task Force, 110-70 sa nagpadayon nga 3rd  BOC-CIPU Friendship Cup niadtong Lunes sa barangay Tinago gym, ning dakbayan.

Ang 40 puntos nga kadaugan sa Alin Brokers maoy labing daku nga winning margin sa kasamtangan.

Pito sa 11 ka players sa Alin ang miiskor og double figures sa pagpangulo ni  Edwin Estorio pinaagi sa iyang 18 puntos. Ang teamowner nga si Israel Alin miamot og 17 puntos. Laing miamot og double figures mao sila si Ryan ‘Dwyane Wade’ Barral ug ex-USJ-R JaguarMiguel Tabaloc.

Ang kadaugan sa Alin Brokers maoy nagtukmod kanila ngadto sa ikaduhang puwesto bitbit ang 5-1 nga baraha.

  Sa sayo pa, gilubong sab sa Customs  Portmen ni team leader Boodie Monteno ang Lao Brokers, 101-89 aron pabiling walay pilde sulod sa pito ka duwa.

Niadtong Martes,  ang Rollway-Petracorta Brokers parehong midaog batok sa managlahing karibal. Ang Rollway milatos sa CEI sa iskor nga 91-74, samtang gikastigo sa MP Brokers ang Transwise, 101-80.

Walay nakapugong sa pagbahis ni Beking Rollon, kinsa maoy nangu sa MP Brokers sa iyang 26 puntos.

Ang anak ni team owner Marty Pimentel nga si Nikki mipakita sab og katakus diin miposa siya’g 11 puntos.

PUNTOS MATAG USA

 Resulta sa Lunes Unang duwa:

Portmen (101) –Maunes 28, Into 26, Aninon 13, Sanguenza 10, Mondin 6, Canete 6, Adante 5, Monteno 4, Gerundo 4, Yu 3,

Gabica 2.

Lao Brokers (89) –  Jadraque 26, Factor 24, Ramos 10, Bugtai 8, Plando 6, Davila 4, Batiquin 3, Alquizar 2, Inopiquez 2, Almendras

1.Ikaduhang duwa:

Alin Brokers (110) –  Estorgio 18, Alin 17, Barral 16, Alimoren 16, Villomo 14, Tabaloc 10, Cayanong 10, Lleve 8, Udalo 2,

Baltonado 2, Tradio 2.

Task Force (70) –Villarin 15, Mose 14, Dejaresco 13, Regidor 10, Gacilos 7, Rabuya 4, Dela Cruz 2, Vidoro 1.Resulta sa Martes

Unang duwa:

  Rollway-Petracorta (91) –Tarona 24, Moral 15, Berame 10, Sagario 9, Palero 8, Generalao 5, Villaronza 4, Dela Pieza 4, Pianar 4, Sagarino

2, Solidarios 2, Palda 2.

  CEI (74) – Pino 27, Munez 13, N. Laborte 12, T. Laborte 5, Amoin 5, Deiparine 4, Bacus 2, Genobiagon 2, Camay 2, Inoc 2.

Ikaduhang duwa:

MP Brokers (101) –  Rollon 26, Abellana 12, Enriquez 12, Pimentel 11, Poque 10, Bensi 8, Gambe 6, B. Medalle 5, Elloren 4, Arreglo

4, N. Medalle 2, Amistoso 2.

  Transwise (80) – Tiro 20, Tejeno 19, Castro 14, Ruiz 6, Guardiano 6, Deniega 5, Sasing 4, Castilo 2, Tandas 2. (BANAT PALARO)