Inter-School kiddies chessfest

CEBU, Philippines - Ang Cebu  Chess Masters sa panag-abin sa Robinson’s Cybergate ug sa  Cebu Executives and Professionals Chess Association (CEPCA) mopasiugda og 1st  Kiddies Inter-School Team Tournament sa Oktubre 18-19 diha sa Cybergate.

Kapin sa P15,000 nga ganting salapi ang giandam  alang sa mga mananaog sa duha ka adlaw nga kompetisyon.

Gawas sa tropeyo ug medalya, ang kampiyon makadawat og P6,000, ang second placer makaangkon og P4,000, samtang ang third mobulsa’g P3,000.

Alang sa registration ug dugang mga pakisayod, mahimong mokontak ni tournament director Eduard de la  Torre sa 0932-8622010 o di ba sa Cebu Chess Master  sa  266-8966. (BANAT PALARO)