Donayre moaway pagbalik sa ONE FC
CEBU, Philippines - Nagpanikad na ang Dubai-based Cebuano mixed martial artist Vaugh ‘The Spawn’ Donayre nga moiskor sa labing una niyang daog sa ONE Fighting Championship sa iyang pakigsangka ni Malaysian Peter Davis karong gabii didto sa Putra Indoor Stadium sa Kuala Lumpur, Malaysia.
Human mapilde sa iyang ONE FC debut niadtong Agosto 29 batok ni Mohammed Walid sa Dubai, si Donayre laraw nga mobangon ug mohatag og garbo sa Sugbo pinaagi sa pagdaog sa balwarte sa iyang kontra.
Si Donayre, kinsa adunay rekord nga 7-2, nagsugod sa iyang MMA career uban sa Yaw-Yan ArDigma Cebu ug DEFTAC Cebu, apan mibiya aron mahimong MMA trainer didto sa Dubai.
“I know his (Davis) the face of MMA in Malaysia and I am up to the challenge,” matud pa ni Donayre.
“I am going to knock on his door and I am going for the knockout.”
Nagtuo si Donayre nga ang iyang kadaugan ni Davis mopapas sa sakit niyang kapildihan sa iyang debut ug mohimo kaniya nga usa sa mga Filipino title contenders sa ONE FC lightweight division. (BANAT PALARO)
- Latest
