Lancers nakabawi batok sa Romgen
CEBU, Philippines – Nakarekober dayon gikan sa ilang kapildihan ang Red Lancers human moiskor og daog batok sa Romgen, 101-91 sa nagpadayong Los Amigos Basketball Association (LABA) Commissioner’s Cup 2014 basketball tournament niadtong Biyernes didto sa Banilad Sports Complex, Mandaue City.
Gipangulohan ni E. Perez ang Red Lancers pinaagi sa iyang 25 puntos lakip na ang tulo ka triples. Sila si Dodoy Rizane ug F. Ecot parehong mikabkab og 21 puntos.
Biya ang Red Lancers sa third quarter, apan si Sebandal mipasud sa iyang buzzer-beating three-pointer aron matabla ang iskor, 83-all. Sa katapusang 10 minutos, hinugtanay na ang duwa sa duha ka kampo, apan ang Red Lancers maoy milahutay sa makutas nga duwa aron sakmiton ang ilang unang daog.
Si LABA vice president for external ug Banilad barangay councilor Gilbert Sebandal mitampo’g 13 puntos, samtang ang team owner ug LABA president nga si Christopher Ubas miamot og 10 puntos alang sa iyang team nga nagbitbit karon og 1-1 nga baraha.
Ang napildeng Romgen nilang Romeo Gastardo ug Richard Sanchez gipangulohan ni Banjoe Hatamosa, kinsa mitusak og 21 puntos, samtang laing tulo niya ka teammates ang miiskor sab og double figures. Sila si Louie Canen ug Nestor Sollano sa VIMBRA maoy mga reperi sa maong duwa.
Puntos Matag Usa
Red Lancers (101) – Perez 25, Ecot 21, Rizame 21, Sebandal 11, Ubas 10, Mingane 6, Anghay 5, Ople 2.
Romgen (91) – Hatamosa 21, Mauro 17, Suico 12, Castardo 11, Pon 9, Ejercito 6, Ygerger 6, Colanse 4, Saladua 3, Yares 2. (BANAT NEWS)
- Latest
