Amberger, Gentle bumandera sa Safeguard Active 5i50 Triathlon

MANILA, Philippines – Dinomina nina Josh Am­berger at Ashleigh Gen­tle ng Australia ang ka­nilang mga grupo para ang­kinin ang korona sa pro di­vision ng 2014 Safeguard Active 5i50 Triathlon kaha­pon sa Tanglao, Bohol.

Nagposte si Amber­ger, pumang-anim sa naka­raang Ironman 70.3 St. Croix, ikaapat sa Ironman 70.3 Boise, ng mga oras na 16:19 minuto sa swim leg, 55:38 sa bike stage at 39:36 sa run leg ng natu­rang $10,000 event na iti­naguyod ng Safeguard Ac­tive.

Ang 24-anyos na si Amberger, pumangalawa sa Iron­man 70.3 Muncie, ng to­tal time na 01:55:54 para ta­lunin ang kababayang si Eric Watson para sa korona at top net purse na $1,500.

Humabol si Watson, da­ting Bunburry Olympic Distance at Mandurah Olym­pic Distance State cham­pion, sa run stage sa kan­­yang 37:14 tiyempo, ngu­­nit nabigong ungusan si Am­berger sa swim at bike sta­ges para sa kanyang oras na 2:01:46 at prem­yong $937.50.

Nanguna naman si Mi­chael Murphy sa swim stage sa kanyang bilis na 16:20 ngunit kinapos sa da­lawang legs (1:02:32 at 41:35) para sa kanyang oras na 2:04:20 at prem­yong $637.50.

Pumang-apat naman si Justin Granger (2:10:22) sa event na suportado ng Bellevue Resort bilang official hotel at 2Go na official courier at logistics provider.

Nagsumite naman si Gen­tle ng total time na 2:02:00 para talunin si ve­teran triathlete Belinda Gran­ger ng 13 minuto at ang­kinin ng titulo sa wo­men’s category sa event na inorganisa ng Sunrise Events, Inc. at idinaos sa Bo­hol sa unang pagkaka­taon.

Naorasan ang 23-an­yos na si Gentle  ng 18:20 sa swim leg, 1:02:32 sa bike stage at 37:00 sa run event sa torneong nilahukan ng 667 triathletes mula sa 28 bansa.