Charisse lauron molugwa sa MX-RLS karong sabado

CEBU, Philippines - Ang masaarong motocross rider  nga  si Charisse Amy Langbid Lauron mao na sab ang center of attraction sa  ikasiyam nga episode sa MX-RLS (Motocross Rider Life  Story), ang bag-ong segment sa MS Motosuit Motocross TV series nga ipasalida sa CCTN 47 matag Sabado gikan sa alas-10 hangtod sa alas-10:30 sa buntag.

Isaysay ni  Charisse  ang kaagi sa iyang kinabuhi ug ang kalampusan niya sa pagsalmot sa motocross competition.

Gihimo niyang inspirasyon sa pag-apil og motocross mao ang iyang amahan nga si Engr. Amy Lauron ug inahan Charito. Sila ang  gihimo niyang taytayan aron makapakita sa iyang riding skills bisan pa sa linghod niyang pangedaron.

Usa sa dili hikalimtan ni  Charisse mao ang iyang paglandig sa ikaupat nga dapit sa ladies category sa debut niya atol sa third leg sa 2014 MS Motosuit Motocross Series duha ka bulan na ang nilabay didto sa  Toledo City. Mipahiluna siya sa ikalima sa M&M  Supercross sa Lipata, Minglanilla ug ikaduha sa Argao. Ang labing una niyang out-of-town race didto sa Sapang Dalaga sa Misamis Occidental.  Ang replays sa senemanang TV special himuon matag Domingo gikan sa alas-10:30 hangtod sa alas-11:00 sa gabii.

Sa laing bahin, ang fourth leg  sa motocross series nga gibanhaw ni MS Motosuit big boss Lou Ornopia gikatakda sa Oktubre 5 didto sa Calambua, San Remigio.  (BANAT PALARO)