Arellano asam ang playoff sa Final Four

MANILA, Philippines - Palalakasin ng Arellano ang paghahabol sa ikalawang puwesto sa pagpun­tir­ya ng playoff spot laban sa Letran sa 90th NCAA men’s basketball tournament ngayon sa The Arena sa San Juan City.

Sa alas-2 ng hapon ang bak­­bakan at ang makuku­hang ika-12 panalo ay sapat na para makatiyak na pa­laban ang Chiefs sa Fi­­nal Four dahil puwede pang umabot ng hanggang 12 wins ang pahinga pero nasa ikalimang puwesto na Perpetual Help Altas (9-6).

Hindi naman ibibigay ng Knights nang basta-basta ang panalo dahil nasa ‘must-win’ sila para manati­ling buhay ang tsansang ma­kaalpas sa elimination round.

May 6-8 karta ang back-to-back finalist na Letran at dapat na ipanalo ang na­lalabing apat na laro at manalangin na hindi la­lampas ng 10 panalo ang da­lawa sa mga koponan ng host Jose Rizal University, St. Benilde at Perpetual.

Ang Heavy Bombers at ang Blazers ang magsusu­katan sa tampok na laro sa alas-4 at ang magwawagi ang magsosolo sa ikatlong puwesto.

Ang mamalasin ay ma­­na­natiling nasa unang apat na puwesto pero ma­ka­kasalo na nila ang Perpe­tual sa 9-6 baraha.

May dalawang dikit na pa­nalo ang Blazers na ka­­nilang magagamit para ba­wian ang Heavy Bom­bers na nanaig, 69-61, sa una nilang pagkikita. (AT)