2 bronze medals tiyak na sa wushu

INCHEON, South Korea – Makakasiguro na ang Pilipinas ng dalawang me­dalyang tanso matapos pumasok sina Francis­co Solis at Jean Claude Sac­lag sa semifinals sa Asian Games nang magwagi sa sanda competition ng wu­shu kagabi sa Ganghwa Dol­men’s gymnasium.

Ang 24-anyos na si Solis, beterano ng dalawang World Wushu Championships sa Turkey noong 2011 at Kuala Lumpur, Malaysia noong 2013, ay su­mandal sa kanyang bilis at lakas para sa 2-0 panalo sa 36-anyos na si Ting Hong Wong ng Hong Kong sa men’s 56kg. division.

Nagawa pang itapon sa labas ng mat sa ikalawang round ni Solis si Hong na be­terano ng tatlong Asian Games mula 2006 sa Do­ha at nanalo ng bronze sa 2007 World Championships sa Beijing China.

Bitbit ang inspirasyon sa ipinakita ng kakampi, tinalo ni Saclag si Hendrik Tarigan ng Indone­sia pa­ra pu­masok din sa se­mis sa 60kg. class.

Magkakaroon pa ng pag­­kakataon ang dalawang atleta ng wushu na hi­­gitan ang tiyak na bronze me­dal kung mananalo sa se­mifinals ngayon.

Katipan ni Solis si Fu­xiang Zhao ng China, habang si Saclag ay makaka­tuos si Narender Grewal ng India.

Ang kambal na panalo ang pambawi sa pagkatalo ni Wally Divine sa pambato ng host na si Kim Hyebin, 0-2, sa women’s 52kg.

Puwede pang madag­dagan ang medalya ng 150-pambansang aleta dahil sina Nestor Cordova at Edgar Ilas ay nanguna sa re­pechage sa lightweight men’s double sculls.

Sumagwan sina Cordo­va at Ilas ng 6:40.95 sa 2,000m race para pumasok sa anim na bansang finals.

Sisimulan naman ng Gi­las Pilipinas ang kanilang kampanya para sa inaa­sam na gin­tong medalya sa pagharap sa India nga­yong araw sa Hwaseing Sports Complex Gymnasium.

Ang Pilipinas ay nasa Group E at kaagad ma­su­­­sukat sa matatangkad na manla­laro ng India na ki­­nuha ang 80-61 panalo kon­tra sa Kazakhstan at pa­munuan ang Group B sa pag­­tatapos ng preliminary round kahapon.

“First, we want to scout our rivals and practice. That’s our main concern right now,” pahayag ni Gilas Pi­lipinas’ head coach Chot Reyes.

Samantala, bumandera ang China sa nakolektang 22 gold, 13 silver at 18 bronze medals kasunod ang Korea (14-13-15).