Perez trucking gisubha’g daog sa GDBL CAGEFEST

CEBU, Philippines - Malampuson ang debut game sa Perez Trucking human ilang gipukan ang Aulga Dormitory, 99-89 sa pagsugod sa Golden Dribblers Basketball League (GDBL)  niadtong Domingo didto sa Barangay Pardo gym, ning dakbayan.

Laing tulo ka paboritong teams ang mikulit sab og managlahing kadaugan dihang midaog ang HLY ni Atty. Flor Yosores batok sa Team Rama ni Mayor Michael Rama, 105-86. Na-upset sa Inayagan-Naga ang Punta Princesa sa iskor, 90-81 ug  ang Tisa midaog batok sa McMill sa iskor nga 62-52.

Ang Perez Trucking  gipangulohan nilang Opong Zafra ug Tony Belande nga parehong miiskor og 20 puntos samtang si Eric Espinosa midugang og 17 puntos.

Si Gaga Cabillanila mao sab ang nangu sa Aulga Dormitory sa iyang 23 puntos. (BANAT PALARO)