Mayor Rama mopanumpa sa GDBC officers

CEBU, Philippines -  Si Cebu City Mayor Mike Rama maoy mopanumpa ug mamumulong atol sa induction ceremony sa mga opisyales sa bag-ong giporma nga Golden Dribblers Basketball Club (GDBC) karong buntag diha sa Barangay Pardo gym, ning dakbayan.

Human sa induction, moduwa sab si Mayor Rama alang sa Team Rama nga makigsangka batok sa HLY, kinsa mosugod na og depensa sa ilang korona.

Motambong sab sa kalihukan ang barangay kapitan sa Pardo nga si Althea Lim.

Si Lando Almojallas maoy gitudlo nga tournament organizer sa GDBC ug si Edwin Dejacto isip commissioner.

Buksan ang maong torneyo sa sangka tali sa Guadalupe Athletic Association (GAA) batok sa Perez Trucking sa alas-8 sa buntag.

  Magsangka sab  ang Inayagan-Naga batok sa Punta Princesa ug sa Tisa batok sa AC Sports. (BANAT NEWS)