CESAFI All-Star Games karon nang Domingo
CEBU, Philippines - Mga piniling magduduwa sa Cebu Schools Athletic Foundation Inc. ang mopakita na sab sa ilang tinagoang abilidad sa ipahigayong North vs. South sa 14th CESAFI All-Star Games karong Domingo diha sa Cebu Coliseum.
Ang mga teams nga molangkub sa North ni coach Junthy Valenzuela naglakip sa mga tirador sa defending champion University of the Visayas, USC ug UC samtang ang South team ni coach Raul ‘Yayoy’ Alcoseba mao ang mga sinaligan gikan sa SWU, USJ-R ug CIT-U.
Mopakita’g aksiyon sa North mao silang John Michael Abad, Alfred Codilla, Francisco Arong, Raffy Oktobre ug Alwin Aguirre sa UV, Izak Kiefer Lim, Christian Seen Laude, Victor Manuel Rabat, Charles Pepito ug Shooster Olago sa USC ug Jan Michael Auditor ug Justin Dacalos sa UC.
Samtang sa South mao silang Jasper Parker, Mark Jayven Tallo, Antonio Tomas Pardo, Bernie Bregondo ug Landry Sanjo sa SWU, Jose Allan Dimco, Joshua Romelle de la Cerna, Steven Bucao ug Jeffrey Taghoy sa CIT-U ug James Earl Regalado ug Kevin Villafranca sa USJ-R.
Sa secondary division, ang North ubos ni coach Rommel Rasmo sa Sacred Heart School-Ateneo de Cebu moparada nilang Anton Niño Araw-araw, Jose Piero, Dominic Longa, Steven Co, Zachary Lance Eden Huang ug Felixberto Jaboneta sa SHS-AdC, Joshua Philip Manatad, Justine Jules Langres ug Jeroel Pedrosa sa CIT-U, John Nigel King, Bryan Divinagracia ug Richmon Lapinid sa USJ-R ug Ivan Augustine Mate sa CEC.
Sukdon nilang batos ni coach Delfin Pepito Jr. sa South nga gilangkuban nilang John Carl Escalona, Orlan Wamar, Theo Joshua Flores, Raul Jancorck Cabahug ug Samuel Schaub sa UV, Francis Edmar Galado, Kent John Malazarte, Chico Maravilla ug Marc Andre Ting sa USC, Darrel Shane Menina ug Arvin Dungog sa UC ug John Bryle Bahio sa USPF.
Sa dili pa ang All-Star Games, adunay pagahimuon nga 3-point shootout ug slam dunk contest nga sugdan sa ala-1 sa hapon.Ang slam dunk contest nga adunay duha ka kategoriya – foreign ug local.
Sa local, ang mosalmot mao silang Victor Manuel Rabat ug Charles Pepito sa USC, Kevin Villafranca sa USJ-R, Leonard Santillan sa UV ug Jose Allan Dimco sa CIT-U. Samtang ang foreign players nga magtigi naglakip nilang Jean Marie Mpouma ug Jeffakins Aguara sa UV, Olagao Shooster ug Espoir Tamboyi sa USC ug Bendly Valdor ug Landry Sanjo sa SWU.
Sa laing bahin, ang moapil sa 3-point contest mao silang Franklyn Albert Batiquin ug Steven Bucao sa CIT-U, Antonio Tomas Pardo ug Jovanie Luz sa SWU, Jan Michael Auditor, ug Carlos Gonzalo Tabaquero sa UC, James Earl Regalado ug Renzo Theodore Senining sa USJ-R ug Leonard Santillan, John Michael Abad ug Francisco Arong sa UV. (BANAT NEWS)
- Latest
