Warizal, Dela Rosa wagi sa Puerto Princesa leg ng MILO

PUERTO PRINCESA CITY, Palawan, Philippines – Binande­rahan nina four-time winner Norlan Warizal at ang nagbabalik na si Jila Dela Rosa ang labanan sa 21-kilometer event sa Puerto Prin­cesa leg ng 38th National MILO Marathon Qualifying Race kahapon dito.

Nagposte ang 29-an­yos na si Warizal ng bilis na 01:19:13 para iwanan sina Ben Alejandrino (01:21:26) at Nicko Cortes (01:22:42).

“Dalawang buwan lang ako nag-training dahil sa trabaho ko,” sabi ni Warizal, isang logistics hel­per na nagdedeliber ng mga produkto ng Nestle sa Puerto Princesa.

Ang oras na 01:39:24 na­man ang isinumite ng 20-anyos na si Dela Rosa pa­ra talunin sina Bernardi­ta Mag-aso (01:47:56) at Mi­chelle Anne Tibagacay (01:51:37).

Kapwa tumanggap sina Warizal at Dela Rosa ng premyong P10,000 dahil sa kanilang mga panalo.

Sina Warizal at Dela Ro­­sa, kasama ang 19 pang runners, ay nakakuha ng tiket para sa National Fi­­nals na nakatakda sa Dis­yembre 7 sa Manila.

Ang tatanghaling MILO Marathon King at Queen ang ipapadala sa Japan pa­ra sa 2015 Tokyo Marathon.