Libreng MMA clinic sa CCSI

CEBU, Philippines - Sa labing unang higayon, ang Cebu City Sports Commission uban sa Yaw-Yan ArDigma Martial Arts Inc.mopahigayon og libreng mixed martial arts clinic diha Cebu City Sports Institute (CCSI) sa Sawang Calero, ning siyudad.

Ang mga partisipante mokat-on sa mga basic techniques nga gigamit sa natad sa MMA. Gawas sa MMA, ang maong grassroots combat sports program naglakip usab sa boxing, arnis ug karatedo.

Ang MMA clinic sugdan karong alas-9 hangtod sa alas-11 sa buntag.

Ang mga tinun-an sa maong clinic mahimo usab nga mopakita sa ilang mga nakat-onan atol sa  binuwan nga MMA fight card sa ‘Bakbakan sa Barangay’.

Si CCSC chairman Edward Hayco mituyo pag-umol sa maong programa aron makakaplag og mga potential athletes ug sa susamang paagi paghatag og lingaw sa mga residente sa mga kabarangayan sa siyudad sa Sugbo. (BANAT NEWS)