Algieri dili angayan ikontra ni Pacman
CEBU, Philippines- Hangtod karon, wala pa gihapon kadawat si boxing commentator Larry Merchant nga si Chris Algieri ang gihimong challenger ni WBO welterweight champion Manny Pacquiao.
Si Merchant, usa ka respetado ug sikat kaayong boxing analyst sa kalibutan nagkanayon nga bisan pa’g natakda na ang sangka sa duha, dili gihapon makatuo. Matud pa niya nga sa kadaghan sa mga angayang itapad ni Pacquiao, si Algieri pa ang napilian.
Alang ni Merchant, wala gyu’y angay si Algieri nga makigsangka ni Pacquiao tungod kay gawas nga dili kaayo kini ilado, layo ra gyud ang abilidad niini.
“Algieri doesn’t position himself as a worthy foe for the Filipino icon even if he won against (Ruslan) Provodnikov,” matud pa ni Merchant sa boxingvoice.com.
“I have doubts if Algieri can keep up with Pacquiao.”
Dugang ni Merchant, nga kon wala mosalir si Timothy Bradley batok ni Pacquiao niadtong Abril 12 didto sa Las Vegas, labaw na si Algieri.
Si Pacquiao una nang miingon nga wala siya mabalaka sa iyang away batok ni Algieri sa Nobiyembre 23 didto sa Macau. (BANAT NEWS)
- Latest
