Aegis miiskor og makabungog nga kadaugan sa CSCC E-League

CEBU, Philippines - Mirehistro og makabungog nga kadaugan ang defending champion Aegis Vipers batok sa Calltek Trojans sa 10th CSCC E-League basketball tournament niadtong weekend  diha sa City Sports Club-Cebu gym sa Cebu Business Park.

Nangulo sa kadaugan mao si Gamaliel Bas nga mikabkab og 15 puntos. Si Ryan Veloso miabuno’g 12 puntos alang sa Aegis nga  milansang og 28-9 nga bentaha sa first period.

Si Kevin Clark Navaja miiskor sab og 12 puntos alang sa Aegis nga nakig-uban sa Accenture Sharks sa unang puwesto sa Division 1 sa managsama nilang 7-1 nga baraha.

Bugtong si Mark Louise Gellez lang ang mihimo’g double digits alang sa Calltek pinaagi sa iyang 12 puntos. Ang Calltex nagbitbit na karon og 2-6 nga baraha.